HE WAKAPUTANGA
O TE RANGATIRATANGA O NU TIRENI 1835 (TE REO)

1835_original.jpg | |
File Size: | 1607 kb |
File Type: | jpg |
Article 1. Ko matou, ko nga Tino Rangatira o nga uri o Nu Tireni i raro mai o Hauraki kua oti nei te huihui i Waitangi i Tokerau i te ra 28 o Oketopa 1835, ka wakaputu i te Rangatiratanga o to matou he Wenua a ka meatia ka whakaputaia e matou he wenua Rangatira, kia huaina, Ko te Wakaminenga o nga Hapu o Nu Tireni.
Article 2. Ko te Kingitanga ko te mana i te wenua o te wakaminenga o Nu Tireni ka meatia nei kei nga Tino Rangatira anake i to matou huihuinga, a ka mea hoki e kore e tukua e matou te wakarite ture ki te tahi hunga ke atu, me te tahi Kawanatanga hoki kia meatia i te wenua o te wakaminenga o Nu Tireni, ko nga tangata anake e meatia nei e matou e wakarite ana ki te ritenga o matou ture e meatia nei matou i to matou huihuinga.
Article 3. Ko matou ko nga Tino Rangitira ka mea nei kia huihui ki te runanga ki Waitangi a te Ngahuru i tenei tau i tenei tau ki te wakarite ture kia tika ai te wakawakanga, kia mau pu te rongo kia mutu te he kia tika te hokohoko, a ka mea hoki ki nga Tauiwi o runga, kia wakarerea te wawai, kia mahara ai ki te wakaoranga o to matou wenua, a kia uru ratou ki te wakaminenga o Nu Tireni.
Article 4. Ka mea matou kia tuhituhia he pukapuka ki te ritenga o tenei o to matou wakaputanga nei ki te Kingi o Ingarani hei kawe atu i to matou aroha nana hoki i wakaae ki te Kaara mo matou. A no te mea ka atawai matou, kaitiaki i nga pakeha e noho nei i uta, e rere mai ana ki te hokohoko, koia ka mea ai matou ki te Kingi kia waiho hei matua kia matou i to matou Tamarikitanga kei wakakahoretia to matou Rangatiratanga.
Kua wakaaetia katoatia matou i tenei ra i te 28 Oketopa, 1835, ki te aroaro o te Reireneti o te Kingi o Ingarani.
Kua wakaaetia katoatia matou i tenei ra i te 28 Oketopa, 1835, ki te aroaro o te Reireneti o te Kingi o Ingarani.