NPA
NGĀ PĀTAI AUAU
E pēhea kia tūhono mai?
Ko te huarahi tere whakamarama mai 'ĀNEI'. He aha tēnei ahua ko te tikanga?
E whai hāngai ngā tikanga ki ngā mahi me te whakaaro Māori. Koinei te puna mātauranga. Ka puta mai te whakaaro mauri i ngā pūrākau, ngā pakiwaitara, ngā whakapapa, ngā whakataukī, ngā karakia, ngā tuhinga a ngā tūpuna me ngā kōrero e whakarerekei ana. E whai paanga ngā tikanga ki ngā āhuatanga katoa o te Ao Māori. E pēhea te hāpai ake ngā uara o te Te Wakaminenga o Ngā Hapū o Nu Tireni?
He maha ngā huarahi ki te 'hoe it te waka'. He whai wāhi nui te tīmatanga kōrero ki te whānau, ngā hoa e pā ana ki 'He Wakaputanga' rānei, ki 'Ko Te Wakaminenga'. He aha ō whakaaro? Pēhea te āhua o tō whakaaro? Whakapā mai hoki ki a mātou me ō whakaaro! He huarahi anō ki te whakapā atu, mā te whakawhiti i ō pūkenga. Hei tauira, kei te whakarato mātou i ngā akoranga te reo Māori ki te whakarereke i te kupu, tae atu ki ngā akoranga whakahaere hā ki te whakapiki i te oranga. |
He aha tēnei mea te Hapu?
He mana motuhake tā ia hapū, tā ia hapū. He kohinga whānau e noho tahi ai, e whakapapa tahi ai ki tetahi tupuna. Nā te noho tōpu nei, ka waihanga a rātou ake tikanga me ngā tukanga whakatinana. E wharautia mai te hapū ki ngā kōrero me ngā taonga, ngā pakikōrero e heke iho mai. Kei ia hapū he rangatira, he ahi kā, he kaumātua tonu e tiaki ngātahi ai ngā mātua tae ake ki ngā mokopuna. He aha ngā rerekētanga o te hapū me te Rōpū Tauiwi?
Ko tōna ritenga e āhei a tauiwi, a tangata whenua tonu kia mahi ngātahi, e ai ngā tikanga me ngā uara o te hapū. Ko tōna rerekētanga ko te whakapapa o te tangata. I ahu kau a tauiwi nō whenua atu, a, ko ngā hapū te kohinga tangata e whakapapa ki tēnei whenua ake. He aha whakapuaki ai he hapū?
Ko te whakapuaki he huarahi mō te Hapū ki te whakatau maramatanga mō te whakapapa o rātou ture ki te ao whānui. He tikanga tino pai anō hoki tēnei mō te Hapū ki te whakawhitiwhiti kōrero, ki te ako, ki te hokohoko tahi i roto i te tukanga ngāwari kore-raruraru, e whakarongo whakaōrite ana ki ngā reo katoa. |